تجربة الولادة

هلالالالالالا والله بام غايب

عاش من شافج

شوفي حبيبتي بالنسبه لي كنت على كثر مايقولون لي عن الولاده والطلق ماكنت افهم شي يعني الشي اللي تسمعينه مو مثل اللي تكونين ماره فيه

طبعا طول فتره الحمل كنت ماخذه كتاب عن مراحل الحمل الى مابعد الولاده من مستشفى السلام والحمد الله فادني حيل لدرجه ماتتصورينها يعني كانت تحوشني اعراض كنت اخاف منها وعلى اتفه الاسباب اروح المستشفى
مثل تورم القدمين كنت حيييل اشتكي منه مع شد عضلي للساقين اثناء النوم
وكانو يقولون هذا شي طبيعي حاولي تكثرين مشي

بالنسبه لي شلون حسيت بالطلق
كنت احس بالام اسفل البطن تشبه المقص بس على فترات متباعده طبعا هذا كان باخر يومين من رمضان
وكان يزيد شوي شوي
اول ايام العيد الصبح زاد معاي لدرجه اني ماكنت اقدر اقعد تقولين نحله تحوس بالبيت
بس قلت حرام خل اخلي اهلي يعيدون وعقب يصير خير
والله تحملت لي العصر بعدين خلاص نزل معاي شوي دم وانتي بكرمه وهم كانت موصيتني الدكتوره قبل لااروح المستشفى اشرب نص قلاص زيت خروع يقولون يحمي الطلق والله واحط معاه شوية فيمتو علشان الطعم وعلى طول المستشفى

وعقب مادشيت قالولي لازم فحص داخلي وكنت تعبانه من الطلق مسكينه الدكتوره طلعتلها قرووون كل ماتحول تفحصني ارفسها طبعا لاشعور من الطلق اخرتها عصبت علي قلتلها ابي بنج مااقدر
والله وودني غرفه الولاده هذا كله بس علشان يفحصوني علشان تتاكد اذا في ولاده والا لا
طبعا ماحسيت عقب قعدوني وقالولي ولاده حطولي تحميله شرجيه علشان الولاده
وعقبها بدلو ملابسي وحطوني بغرفه ثانيه عاديه يعني ماتويحلج انها غرفه ولاده عادي نومتني وحطولي الكمام وقالتلي شلون استخدمه
وبس عطتني لبره بالوريد وبث
عقبها بثلاث ساعات تمت الولاده ولله الحمد وبشروني بتوته
لاتخافين من ساعات الولاده انا المفروض مااطول لان بالفحص تبين اني الرحم مفتوح 4سم
بس تعبتهم من كثر البنج ماقدرت اساعدهم بالولاده
والله يهون عليج ان شاء الله وعلى كل حامل

هلا وغلا اختى


انا بعطيج تجارب خمس ولادات..............>ترا ماني كبيرة بس متزوجة عمري16


المهم نرجع لب موضوعنا


اول ولادة ماراح تحسين بطلق قوي او بالاصح ماراح تميزين اذا طلق او الم



انا وقتها كنت عند امي وبحكم صغر سني امي خلتني اقعد عندها الشهر التاسع كله



بعد ما كملت تقريبا الشهر التاسع كله ومابقى عليه يتم تاسع الا يوم واحد


قعدت الصبح عادي سوت لي امي ريوق وماكنت حاسة بشي

الضحى شوي شوي حسيت بتعب بسيط نفس الالم الدورة بس بعشر اضعافها


المهم امي قالت البسي عبايتج والمستشفى على طول.........دخلت غرفة الطوارى طبعا مستشفى خاص((الهادي))وكانت وقتها زفت تقريبا على سنة1996

وفحصت الدكتورة بشويش حتى اني ماحسيت بالم الفحص


وقالت مفتوح اربعة سانتي في ولادته وقتها اشتغلت فيني يوم قالت ولادة المهم


دخلت غرفة الولادة والله لايوريج حريم وصياح وبلاوي


واثناء الولادة فحصت بس تغير الفحص هني صار يعور مع الطلق


والحمدالله ولدت


وترا السالفة كلها ان كثرت الم يوم واحد
انتحمله احسن من تعب تسع شهور



بس خلااااااااااااااااااااااااااااص



حرام عليكم


ذكرتوني باتعس لحظات حياتي


ما احب الولادة تعقدت



بس اللي عندي يبي عياللللللللللللللللللللللللللللللللللللللللللللللل للللللللل


الله يعيني

تسلمون بنات عالرد

والله يخلي لكم عيالكم انشالله

وادعولي بالسهاله وكمال وسلامة طفلي.....

يالله باجي الأمهات ردو....

هلا بنات
بقول لكم تجربتي التعيسة بالولادة

كنت احس بالام تحت كأن شي يتبطل وبيطلع ويروح قلت هذا مو طلق واليوم الثاني رحت موعد مراجعتي للدكتور وفحصني وقال لي انتي مفتوحه 2سم بس فيج ولادة لأن البيبي واااايد نازل وقال لي خلاص راح اوديج غرفتج وبعدين اولدج انصدمت قلت معقوله بهالسهوله!!!!

طبعا رحت غرفتي وعطتني السستر حقنة شرجيه وارتحت بعدها وبعدين حطت لي مرهم الدكتوره عشان توسع لي عنق الرحم وظليت على هالحال من الساعة 12 الى الساعة 7 المغرب وانا اتلوى من العوار وتقول لي السستر ماما انتي ما فيج طلق وانا احس نفسي بموت وحطولي مرتين من هالمرهم ووصل دكتوري الساعة 8 بالليل وفتح لي كيس الماي وقال ساعة وانتي راح تولدين انشالله

واقل من ساعة بدى فيني الطلق حاااااااااار وتخيلو بنات انا فوق بغرفتي قاعده اصارخ وابجي وامي وخالتي معاي ومع زوجي فشلة من الناس اللي يمنا بالغرف الثانيه.....

المهم وصلت عمتي وشافتني بهالحالة جان تقول حق السستر الحين تنزلينها الولادة قالت السستر غرف الولادة كلها مليانين قالت عمتي اذا ما نزلتوها باخذها بالاسعاف وبوديها مستشفى الولادة طبعا انا نسيت ما قلت لكم انا بمستشفى السلام.

شوي نزلوني الولادة بس ماكو غرفة فاضية نطرت شوي على ما نظفو غرفة لي ودشيت وعلى طول حطو لي الكمام بس قطيته وقلت ابي زوجي دش زوجي قال عشاني حطي الكمام ترتاحين حطيت الكمام وياليتني ما حطيته ادمنته بشكل مو طبيعي انهوست فيه دش بأعصابي وايدي انشلت وحلجي انشل وما ابي زوجي يشيله عني وصل الدكتور وانا مفتوحه 8 سم والراس بدا يطلع قال يالله شدي معاي انا شديت بس مافيني قوه ومن القهر طقيت الكتور المساعد طقه مو طبيعيه على كتفه مسكين ونمت نومه وما حسيت الا بطلعة الراس وسمعت صوت عظم بجسمي طق وبعدين رديت نمت وماحسيت الا زوجي يقعدني بعد الولادة وسالته انا ولدت جان يقول لي اي.

بس الولد كان بيموت لأني خنقته وشرب ماي وشفطوه وحطوه بالعناية المركزة وظل المسكين يومين هناك بس انا اروح له اطل عليه وارد غرفتي حتى ما رضع من حليب صدري.

طبعا العظم اللي طق في وقت الولادة طلع العزيزو متحرك (مؤخرت الظهر) وآآآآآآآآآآآآآآآآآآآآآخخخخخخ من الآلام اللي عانيتها ومع عوار الخياط وانا فيني بواسير صرت مشلوله بالفراش ساعة على ما اقوم وساعة على ما اقعد حتى شكو ان فيني شي مكسور ورحت سويت اشعة وقالو لي لا تخافين هذا عظمة العزيزو متحركة مع الولادة وراح ترد مع الأيام

وطبعا لي يومكم هذا وانا اعاني من الآلام بس على اخف شوي.

بس الحمدلله البيبي صحته تمام وموجود معاي بس فيه بوصفار قوي ومادري شلون يروح منه!!!

ادري طولت عليكم واغلبكم ما راح يقرون

بس الحمدلله على كل حال

ياااي الحمدلله على السلامه ام غاااايب واشووى ما صار شئ بظهرررررررج وعلى الولد وديه المستشفى خل يعالجون الصفار عنه !!!!!!!

واااااااي وااااااااااي ذكرتوووني بالولاده



انا دشيت الولادة وانا مافيني شئ خالص لا طلق ولا حتى الرحم مفتوح معاي مع اني مخلصه التاسع وماخذه اسبوعين فوقه بس كاااااااااااان الضغططططططط مرررررررررررررتفع حييل على مع انه طول فترة حملي مااااافيني ضغط بتاتاااااا سبحان الله الخوووف

دخلوني جناح الولاده غصصصب والله اركض وامي تركض وراي وخالتي تقنع فيني عطوني التحميله وغيرت ملابسي والله يبنات جني خبله بينهم لو يذبحوني عادي ماحس بشي من الخرعه قعدت سبع ساعات بسسس طلق يرووحويرررد وكلما فحصوني ما فتح الرحم ويايالا ثلاثه سانتي وراس البيبي مو نازل اخر شئ دخلوني الجناح واول ما دشيت الجناح سبحان الله يشتغل على الطللللق بغيييييت اموووت منه والماي انبط وعوارض الولاده كلها صارت وفتح الرحممممم وياي سبعه سانتييييي ودخلوني الولاده مره ثانيه وتمييييييييييت 12 ساعه وماااااااااولدت <<<< ولاده متعسره جدا جداا اخر شئ كل شئ فيني فتر ونشف الماااااي عن البيبي وقررووو قيصريه وشرحوني بسسسسسس ياااااااااي عذاااااااااااب والحمدللللللله جتني بنت زززززززي الائمرررررررررر ونسيت كل آلام الولاده

مرحبا بنات الحور

انا ماعندي الا بنوووته وحده بكر
واتمنى اني اجيب لها اخو لاني انا بكر وراي ولد وعلاقتي معاه قويه واتمنى لبنتي نفس الشئ ادعو لي بنات ؟؟؟

المهم كليت شهري كله وزدت عليه جم يوووم وطووول الشهر التاسع لا من الثامن تقريبا كان يجيني طلق مبكر وعطني مثبتات >> هذا اللي خلاني اكل شهري يمكن
كنت امشي مع ابو العيال الساعه 2 بالليل بالممشى لان العصر شمس ولادتي شهر 8 ماكو مجال الا بالليل ماكان فيني شئ بس حسيت (( بط)) وانا امشي شئ طاااح في بطني نزل بي مانزل معاي لادم ولد ماي هذا راس البيبي نزل بالحوووض الله اعلم
الساعه 4 الفجر عند الصلاة ما قدرت انام احس بالطلق كل ربع ساعه نطرت لي الساعه 9 الصبح صار كل خمس دقايق بعدها رحت الهادي وفحصتني الدكتوره قالت لازم ولاده طايفه شهرج وفي خطر على الجنين كان فيني طلق بس الرحم مسكر 2 سانتي بس !!سمعت

يقوولون من الدارسين يزيد الطلق ويسكر عنق الرحم ؟؟ منو عندها خبره بهل مجال؟؟

عطوني طلق صناعي ماتحملته عذاااب تالي دخلوني الولاده وعطوني كمام نمت احس بالقياس اقوووم من العواار واحس لما بطت الماي الطبيبه واقووم من الالم ولما طلعت الراس ما ساعدت الدكتوره جان تشيل الكمام حسيت بالم الولاده كله اصعب شئ صدق من قال طلعت روح من روح حسيت كاني بمووت من الالم لكن الحمد الله رب العالمين يسرها
دخلت المستشفى الساعه 9 الصبح وولدت الساعه 7 المغرب تقريبا..
وبنتي ولادتها شوي عسرة لانها شفط ما طلعت حوضي صغير يمكن مادري والولاده تساهيل من رب العالمين المهم تولد الوحده طبيعي وتجيب طفل طبيعي والسلامه غنيمه ..
الله يهون على كل مسلمه امين يارب..
اقوولكم شئ لي الحين اتذكر طلعت الرأس واخاف من الحمل .. الله يعين ..

ميرسووو حبيبات قلبي : )

ياااااي تجارب تعور القلب صج الولادة مهي هينه ترى لي الحين عزيزوي يعورني وخايفة من هالسالفة بروح حق دكتور علاج طبيعي بشوف شنو يقول حتى ما اقدر اقعد ارضع الولد من الألم.

الا صج متى يروح الخياط؟؟؟ ترى تعبت منه والخيوط قامت تقززني ونفس الوقت يعورني حتى ما اقدر احط ايدي اغسل المكان من الخوف...

احس اني ماراح يطيب وخايفه اذا رجعت حق زوجي شنو راح يصير واحاتي

متى يطيب وشلون اللقاء الأول مع الزوج بعد الخياط؟
ترى صج خايفه