هلا وغلا
انا خذيت دوره عندهم
والمستويات من 1 -6
وبالاول يسوون لك امتحان تحديد مستوى يكون " بالقواعد والكلمات والمواقف " مايطول الامتحات
وبعدين تاخذين الدوره اللى طريقتها كالتالى
-ساعه للقواعد .. مع مذكرات وشرح .. جدا مفيده
- ساعه للمحادثه .. ويكون الاستاذ بريطانى ... يعنى ماراح تقولين ولا كلمه عربى
" يكون الفصل فيه تقريبا 7طلاب" مختلط " ويتناقش معاكم باى موضوع وطبعا الكل لازم يتكلم مع الاستاذ واثناء المحادثه
يتم تصحيح الاخطاء اللى تقولينها , ويوزع عليكم ورقة عمل . يكون فيها كلمات مساعده بحيث تسوين موضوع"
- وفى بعد ساعه لـ لاب وهو المختبر :
تروحين المختبر وتحطين السماعه وتسمعين الدرس باللغه الانجليزيه وبنفس الوقت ترددين طريقه الكلام نفس اللى سمعتيه , ويتم تسجيل صوتك وتسمعينه اذا لفظك تمام تروحين للى بعده " انا كنت اسمع الاشرطه فى البيت"
يتم توزيع " كتاب مواقف مختلفه بالحياه, وكتاب اسئله تجاوبين عليها
اشرطه لكل المواضيع الموجوده عندك.
اذا حددوا لك مستوى ودخلتى الفصل وحسيتى ان مستواهم افضل منك وانك مو قادره تمشين معاهم
طلبى المستوى اللى اقل ... هالكلام قولى لهم قبل التسجيل
وبالاخير يسوون لك امتحان ,,, ويعطونك شهاده تفيد باجتيازك للمرحله وتقديرك
وتروحين للمرحله اللى بعدها
رغم انى شاطره بالانجليزى ... بس صراحه اكتسبت حصيلة كلمات عمرى ما عرفتها بالمدارس
وحسيت ان تدريس المدارس شى يختلف كليا عن المعاهد
والمواقف الموجوده بالكتاب ... مواقف لازم تلاقينها بالحياه
شى مهم .... كل اللى تاخذينه تدرسينه اول باول وراح تستفيدين
اما اذا ماتدرسين اللى تاخذينه .. معناته ماراح تستفيدين
واستخيرى احسن لك
ان شاء الله اكون افدتك
| 
الإهداءات
المواضيع المتشابهه 
