خبراتنا بديكورات واكسسورات المطابخ - الصفحة 7

13-03-2010, 07:37 PM

انا ابي خبرتكم يالغاليات

بخاطري اسوي بصالتي مطبخ كاونتر
يكون على ناحيه معينه بس من غير كبتات فوق ومن غير الجوله
فياليت الي عندها صور ولا افكار حلوة تحطها وتساعدني فيها

13-03-2010, 07:57 PM

الحور

شوفي هذي الفكره حلوه يكون بالزاويه يطلع حلو شكل الكونتر

وعندي فكره بسيطه

تلاقين في ايكيا طاوله صايره نفس النص متعلقه بالطوفه ! اخذيها

وحطي لج ارفف على الطوفه ويكون لونهم يمشي مع الصاله واعتقد الاسود الكبير حلو مع 3 صغار للزاويه

حطي المايكرويف على الطاوله والغلايه و اكواب حلوه متعلقه على استاند

13-03-2010, 08:16 PM

شوفو الحورممكن تسوين مطبخ كونتر صغير يشبهه هذه

ديكورة حلووو للغايه

14-03-2010, 07:52 AM

حور البطة

الصورة واااايد حلوة بس تآخذ مساحه من صالتي جذي لأن صالتي مو كبيره وايد
انا ابي ركن صغير شوي وما يآخذ مساحه اكبر
بتصفح ايكيا واحط لكم الصور وآخذ رآيكم لأني صج محتاره وابي خبرتكم في هالشي

14-03-2010, 07:54 AM

فضة

اي ياقلبي ابيه صغير وما يآخذ مساحه
لأنه من غير الجوله ومن غير ماي مجرد مطبخ كاونتر للشغلات الخفيفة مثل غلايه الماي والمايكرويف والخلاطه والعصاره ومواعيني للوجبات الخفيفة تالي الليل ولا الصبح بدال لا اصعد الدور الثالث كل مره
لأن شقتي صغيره حيل وماعندي مطبخ إلا بالدور الثالث وصعدتي كل شوي صعبه

14-03-2010, 01:12 PM

الحور

فكرة هالمطبخ حلوه ما تاخذ مساحه اذ المصمم عندك ممتاز يقدر ينفذهااا

ركزي عليها مو بالضروره يكون متحرك تقدري تسوينه ثابت واتجاه واحد

مثل اللي بالصورة تقدري تحطي الميكرويف والغلايه وبعض الصحون

وحتى ثلاجه صغيره

14-03-2010, 01:57 PM

شفتي هالفكره مسويه المطبخ تحت الدرج

وهذي فكره ثانيه

15-03-2010, 08:04 AM

فضة

الأفكار الي حاطتها حلوة
بس المساحه الي عندي غير ممكن تكون زاوية وممكن تكون بالعرض
وانا الحين محتاره حيل تصفحت كتالوج إيكيا بس مافي صور وايد
لأن بالمعرض شفت افكار أكثر يمكن اروح وآخذ افكار على يوم

بس في صور محتاره وبآخذ رايكم فيها وابي رأيكم بالمساحه الي ممكن تكون زاوية او بالعرض

هالصورة ممكن تتطبق بس من غير مغسله لأني مو محتاجه مغسله بس كاونتر للمايكرويف وغلاية الماي والأغراض راح تكون بالداخل

وهذي فكرة ثانية للزاوية

وهذي فكره ثالثة

ياليت آخذ افكاركم وآرائكم لأن احس ماني قاعدة امخمخ عدل ومابي استعجل واندم

15-03-2010, 08:09 AM

في صورة اختي دزتها لي
هذي وحده بمنتدى ثاني مسويه الفكرة وبصراحة حلوة بس انا عندي مشكله
ان مافي بلاكات كهرباء قريبه إلا في الجهة المقابله

15-03-2010, 08:39 PM

الصوره اللي دزتها لج اختج واااايد حلوه

وعلى البلاكات مدي لج اشتراك لي الطاوله وجذي خلصتي بس حلوه انا قلت لج يعجبني نظام الارفف

المعلقه لان تعطي شكل حلو و تشيل الاغراض

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 5 ( الأعضاء 0 والزوار 5)