 |  |  |  |  |
 |  |  |  |  |  |  |
| |||||||
|
| 09-08-2006, 01:20 AM | #1 |
|
عضوة شــرف حور الكويت |  شلون اعود ولدي على ترك الحفاظه ؟؟ ساعدوني بنات بتجاربكم شلون اعود البيبي على استخدام الحمام وترك الحفاظه شنو الطريقه اللي اتبعتوها ؟ ولا خليتوهم مع الوقت يتعودون؟ للمزيد من مواضيعي
الموضوع الأصلي : شلون اعود ولدي على ترك الحفاظه ؟؟
-||-
المصدر : منتديات حور الكويت النسائيه
-||-
الكاتب : bambena |
| |
| 09-08-2006, 01:38 AM | #2 |
|
من كبـــآر شخصيـــآت المنتــدى | سبحان الله العام نفس هالوقت كنت متعقده بنتي كملت السنتين وما تعودت ع الحمام بس الحمدلله سهالات ولا في شئ معقد مثل ماكنت متخيله...... بس كنت اشوفها تقط الحفاظ من نفسها لما اشوفها تسوي جذي بسرعه اوديها الحمام وتعودنا على هالمنوال وصرات طول النهار تلبس سليب بس بالليل حفاظ... تسرب مره مومشكله افهمها واقولها ثاني مره قولي بروح حمام عذرا للإطاله |
 |
| 09-08-2006, 03:21 PM | #5 |
|
حوريه | بامبينا...بيور...ساسو بقولكم شي بما اني خبره خخخخخخخخ تدرون ليش بنت بيور قطت الحفاظه بسهوله؟؟؟ لأنها بنت أما بالنسبه للولد فراح تعانون ثنتينكم بامبينا وساسو لووووووول بس انشالله تنتصرون عليهم..اذا ما انتصروا عليكم:D انا بنتي مثل بيور قطت الحفاظه والمميه بروحها ماكانت تبيهم قبل السنتين ولدي عانيت وعانيت معاه بس بقولج طريقتي طبعا أول مره بتكون لما تكتشفين انه توه عاملها ومن هني تبدين تحسبين له يعني بعد ساعه وديه الحمام وقعديه عالقصريه في أولاد وايد يعاندون مثل ماقالت ساسو طبعا هني لازم تصغرين عقلج ههههه عاد قعدي تنططيله وغنيله ومثليله وضحكي معاه عشان يستانس وكل ماييتي تودينه الحمام لازم نفس الحاله...(موقلت الله يعينكم) اذا ماعملها بعد ساعه وديه بعد ساعه ونص.. واذا كمان ماعملها وديه عقب ساعتين...وطبعا صبري معاه بس عشان تعرفين اهو بمعدل كم ساعه يعملها واذا عرفتي المعدل...وطبعا ماراح يكون مضبوط، يعني مو بعد كل ساعه بالضبط بس انتي خليج كل ساعه أو ساعه ونص وديه ونطري عليه وبيتعود مع الوقت بس أهم شي ان اذا عملها بينيله انج وايد مستانسه وفخوره فيه.. وكافئيه بشي بسيط كاكاو..حلاو... أو أي شي من اللي يحبه السالفه بتاخذ وقت بس هذي ضريبة الأمومه وبالذات ضريبة أم الولد |
| |
| 10-08-2006, 04:36 AM | #6 |
|
حوريه | شوفى انتى دخلى معاه الحمام وخليج صبووره شوى وعلميه ان الحفاضه مو حقه حق الصغار ودايما سولفى معاه وقولى انت كبرت الحين صدقينى شوى شوى راح تشوفينه اهو يقط الحفاضه ويروح الحمام انا سويت جذى مع بنتى الصغيره بس بالليل البسها وان شاء تستفيدين |
| |
| 10-08-2006, 02:51 PM | #7 |
|
عضوة شــرف حور الكويت | مايفهم مو حقك حق الصغار انا ولدي عمره سنه و 4 شهور ابي اعلمه يقولي بروح الحمام اصلا من احط القيصريه ويشوفها قلم يصيح والصبح دوام والمسا اطلع عندي شغل متى باجابله ! واذا طلعت يقعد مع امي وامي تقول خليه على كبفه يقطها من روحه لاتضايقونه!! باجرب اللي قلتوه واشوف |
| |
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
عالم حواء -
الحياة الزوجية -
المكياج والعطور -
جابرنا -
ازياء -
العروس
القضايا الاجتماعية والنفسية - السياحه والسفر - الحلويات - العناية بالشعر - الديكور والأثاث - الحمل والولاده - سيدات الكويت - تصميم مواقع - مواقع كويتيه
 |  |  |  |
