عيالج يسوونها وهم نايمين.... عندي الحل النهائي

الحـــــور · 21-01-2009, 11:42 PM

السلام عليكم ورحمة الله وبركاته

قريت في كتاب التداوي بالأعشاب وصفة لعلاج التبول الليلي اللاإرادي

وطبقت الوصفة على بنت أختي بديت اليوم فيها وراح أوافيكم بالنتائج إذا نجحت ولا لأ
بس بالكتاب مذكور انه فعّال حيل في ايقاف التبول الليلي

وهذي هي الوصفة

1- تآخذين قشور البيض وتغسلينها عدل وتنشفينها من الماي
انا استخدمت السشوار علشان تنشف بسرعه وتطحنينها ناعمة حيل
وتحمسينها ناشفه بالمقلى شوي

2- تآخذين حبة البركة أو (السويدة) وتطحنينها ناعمه حيل

3- تخلطين جميع المكونات مع العسل الأصلي مو عسل الجمعيات ديروا بالكم
العسل الأصلي أهم شي

انا خلط مقدار متساوي من قشور البيض وحبة البركة والعسل حطيت تقريباً 5 ملاعق عسل كبيرة

وبعد ما تحطينهم بعلبة صغيرة وتخلطينهم مع بعض

كل ليلة قبل لا تنام مباشرة سخني لها حليب دافي
وحطي لها ملعقة صغيرة من الخلطة مع الحليب من غير سكر
وخليها تشربة وتنام

ومذكور بالكتاب "أن هذي الخلطة تسكن الجهاز العصبي عند الطفل وتمتص الماء في الجسم
وتحتفظ فيه طول مدة النوم داخل مثانة الطفل"

وإن شاء الله الوصفة تنفع الي عيالهم يعانون من هالمشكلة

وراح أوافيكم بالنتائج أول ما اشوفها،،،

22-01-2009, 12:05 AM

يسلموووووو على المعلومه بس ماييب لهم احتباس في البول

22-01-2009, 01:25 AM

لا ما اعتقد... لأن العسل وحبة البركة زينه وقشور البيض فيها كالسيوم
وبنفس الوقت تمسك المثانة لحد ما يصحى الطفل من النوم

انا جربتها اليوم على بنت اختي وبنشوف النتيجة باجر إن شاء الله

22-01-2009, 02:41 PM

ياليت يا حور تفيد معاك انا عندي بنتي عمرها اربع سنوات وثلاث شهور عند نوم لازم بامبرز عاد شوفي مرات احصل مقاسها مرات لا يارب تفيدنا ها الخلطه سامحيني على كثره الهرج ههههه يسلموووو

22-01-2009, 02:47 PM

معيصه

الخلطة الحمدلله جابت نتائج حلوة اليوم
خف حيل عندها... ولا كل يوم لازم بحيرة كبيرة تسوي
وبستمر عليها.... خليت بنت اختي حقل لتجاربي شسوي ماعندي احد اطبق عليه
بس النتيجة حيل حلوة احسن من كل يوم

وراح أوافيكم بالنتائج يومياً علشان نشوف فائد الخلطة تقريباً مدة اسبوع ونشوف وإذا نتائجها 100%
راح تكون افضل من الأدوية الي يآخذونها بالطبيب لأنها تسبب هلوسات للطفل

منورتنا يالغالية

22-01-2009, 08:46 PM

الحور

انا ابني عذبني وهو الحين بقاله شهرين ما سوها

استعملت خلطة البيض لكن بدون عسل ولا حبة سوداء انا اقولها للامانة

اخذة قشور البيض وطحنتهم وبالليل اخذ 5 مل من بودرة البيض على كوب حليب لمدة اسبوع كامل من بعدها الى الان الحمد الله

تقبلي مروري

22-01-2009, 08:57 PM

فضة

الله يعطيج العافية على الإضافة
وقشور البيض معروفة بالكالسيوم الي فيها
يعني لو ما نفع ما يضر

23-01-2009, 12:40 AM

خوووووش معلومه يا حور

بجربها لولد اخوووي ان شاء الله

موضوع في غايه الفائده

23-01-2009, 10:56 AM

سوسه

منوره الموضوع يالغالية بهالطلة الحلوة
الخلطة قيد التجربة

وبنشوف مدة أسبوع لأنها مذكورة بالكتاب عندي انها فعاله
وفيه خبير اعشاب يعرف هالخلطة وقال لي انها حلوة للتبول الليلي اللا إرادي
بس لو ما انحلت المشكلة معناها الطفل عنده مشكلة ولازم تعرضينه للدكتور المختص

24-01-2009, 03:06 PM

موضوع شيق وبننطر النتائج
مشكووورة على المعلومات .

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
عبد العليم من الكويت : نقل عفش ابوزياد 99562415(( فك نقل تركيب الغرف مالك من الكويت : نقل عفش 55522175 اسواق الكويت التجاريه إضافة إهداء

للمزيد من مواضيعي