 |  |  |  |  |
 |  |  |  |  |  |  |
| |||||||
|
      |
 |
|  | ||||||||
| ||||||||||
 |
|  | ||||||||
| الحياة الزوجية الحياة الزوجية . مشاكل الحياة الزوجية . السعادة الزوجية . العلاقة الزوجية |
 الإهداءات |
| | LinkBack | أدوات الموضوع | طرق مشاهدة الموضوع |
| 02-07-2007, 04:07 AM | #1 |
|
حوريه مولوده |  اول مشاركه لي .. اتمنى تساعدوني بالمشكله اللي انا فيها اخواتي هذي اول مشاركه لي واتمنى تساعدوني لو بكلمه تهدي علي الهم اللي انا فيه .. نا متزوجه صارلي 4 سنين وعندي ولد الله يحفظه لي وحامل بأشهري الاخيره .... مشكلتي من كثر ماهي مأرقتني احس انه مستحيل القالها حل ... كنت عايشه حياتي بالطول وبالعرض وكنت حاطه في بالي اني اسعد انسانه على وجه الارض .. كنا عايشين انا وزوجي بروحنا بشقه ماخذه راحتي في بيتي اربي ولدي بأسلوب حلو اطبخ اللي ابيه واتفنن بكل شي اسويه والبس اللي ابيه نسوي اللي نبيه انا وزوجي محد يتحكم فينا .. وزواجي من زوجي كان اسعد ايام حياتي لاني كنت اموت فيه قبل الزواج وكنت اتمنى اليوم اللي يجيني فيه ويخطبني .. ولما تزوجني تركت الجامعه وتركت ديرتي واهلي علشانه لاني كنت ميته عليه ... وبعد ما تزوجت درست بكليه هنا بالكويت ونسيت الجامعه الين ما فاجأني زوجي بقراره .. انه بيكمل دراسته برا وماراح ياخذني معاه .. هنا حسيت انه الدنيا تدور فيني حاولت اقنعه اني اروح معاه بس مافي فايده .. تركنا شقتنا وسكنا في بيت اهله وهو راح وخلاني عندهم صارو يتحكمون فيني يسألوني عن كل شي ما اطلع بكيفي ويشكون بتصرفاتي وولدي صار يتمرد علي لانه يشوف اطفالهم ويقلدهم صرت ما البس على راحتي وشيلتي 24 ساعه على راسي واذا قعدت بغرفتي اتفرج على التلفزيون بروحي سوولي سالفه اني اكرههم ومااقعد معاهم واخوان زوجي 24 ساعه يدورون بالبيت استحي حتى اني اقعد بالصاله لاني مو متعوده حتى على عيال عمي ما اطلع قدامهم صرت استحي البس واحط مكياج اذا زوجي جا من السفر لانهم كلهم يصيرون يطالعوني من فوق لتحت صرت استحي اسوي اي شي وحماتي تمشي وتسولف تقول انا اللي ربيت ولدها والله اني مهمومه ومو عارفه شسوي اذا جبت شي من السوق لازم يعرفون شنو جبت معاي واذا قلتلهم اني بروح السوق تسألني خالتي وين السوق وشنو اسم المحل اللي بتروحيله وكم راح تقعدين بالسوق راح تطولين او لا وهذا وانا بطلع بسيارتي يعني ماراح اكلف عليهم .... تخيلو كل هالاسئله لا واذا ما اخذت ولدي معاي للسوق سوولي فضيحه .. بعد ما شفت حياتي كيف تدمرت طلبت من زوجي يطلعني بشقه تكون قريبه حيل من بيت اهله رفض .. يوم شفته مو راضي قلتله خلاص ابي ارجع لأهلي ومابي ادرس قالي تروحين عند اهلك احسن لاني مستحيل اطلعك بشقه ... وانا حاليا قاعده عند اهلي وحامل ماني عارفه شسوي بدنيتي ودي ارجع اكمل دراستي بالكويت بس في بيت اهله ماراح اقدر وودي اولد بالكويت بس مااقدر انفس عندهم بيتهم ما يساعد ابدا واخاف اولد بالرياض تصير مشكله لان زوجي ماراح يكون معاي وربي اني خايفه لدرجة الموت وخايفه على وضعي كزوجه كنت اتمنى اعيش مستقله في بيتي مع زوجي وعيالي تكفون ساعدوني .. انا غلطت لما طلبت شقه بروحي ؟؟؟ وربي اني اموت عليه وابي آخذ راحتي معاه بس والله مو قادره في بيت اهله اسوي اي شي بلييييييييز علموني ايش اللي اقدر اسويه علشان ما اخسره وما اخسر اهل زوجي لانه قاللي انه راح نقعد عند ابوه طول العمر . انتظر ردودكم |
| |
| 02-07-2007, 06:36 AM | #2 |
|
حوريه مولوده | اختي اسمحي لي بس انتي تبين كل شي علي كيفج من غير اقل مجهود منج وايد بنات عايشين وضعج من بدايه زواجهم عاشو مع حموله وتعود يعني الوضع عادي وانتي واضح من كلامج كله مابي واستحي وكله قاعده بدارج ولا تحاولين انج تتكيفين مع وضعج اليديد كان المفروض انج تحاولين تكسبينهم ولاتقولين ماقدر اقعد مع اخوان زوجي دامج متغطيه ومستتره عادي قعدي وسولفي بس بحدود حاولي تقعدين مع خالتج ولاتزعلين من كلامي بس انتي تبين كل شي علي الكيف وهذا صعب حاولي تتعبين شوي وتتكيفين مع اهل ريلج اللي ماقصر معاج ولاتخسرينهم نصيحه مني |
| |
| 02-07-2007, 10:12 AM | #3 |
|
حوريه نشيطه | ترا صعبه تطلعين بشقه بروحج انتي وولدج خصوصا ان اهلج بالرياض وماعندج احد .. شوفي حبيبتي الحل انج ترجعين الكويت وتتحملين الوضع وتصبري كلها ايام قليله وزوجج بيكون عندج وتحملي حمولتج ياما بنات حمايل قعدوا ببيوت اهل ازواجهم وذاقوا المر وتحملوا هذا و اهلها عندها بنفس الديره .. تصبري و ادعي لزوجج انه يرجع ويخلص دراسته وبعدها انشاءالله تقنعينه على كيفج انه يطلعج بشقه .. ونصيحه اكسبي الناس و حبيهم لان هذول اهل عيالج وزوجج اهو اللي دايم لج لاتقولين اهلي .. وتحملي وتصبري والله يفتحها لج انشاءالله .. |
| |
| 02-07-2007, 08:43 PM | #4 |
|
حوريه مـن ذهـــب | شقه بروحج؟؟هذه صعبة شوي أنا أقول تمي عند أهلج أحسن لما يرجع وياخذج وعادي ولدي بالرياض عند أمج أحسن لج مو لا زم بالكويت بعدين يبيلج فترة عقب الولادة عند أهلج مهما كان الحمولة مومثل الأهل ولا بتنفسين جدام حموانج......أنا أشوفها مو حلوة هذا رايي وأنتي براحتج قرري اللي يريحج |
 |
| 03-07-2007, 03:35 AM | #5 |
|
حوريه مولوده | اشكركم لاهتمامكم بموضوعي ... يعني رايكم اني ارد بيت اهل زوجي احسن .. مع اني حاولت مية الف مره اكسبهم بس لا حياة لمن تنادي دايما مرة الولد يعاملونها انها غريبه ويمسكون عليها اي شي الله يصبرني على هالوضع .... انشاالله بولد بالرياض وبعدها بروح الكويت والله يعيني وادعولي ربي يوفقني بحياتي مع زوجي ومع اهله ويهدي امه وابوه ويخليهم يعاملوني كأني وحده من بناتهم . |
| |
| 03-07-2007, 03:50 AM | #6 |
|
حوريه نشيطه | نعم ردي بيت اهل زوجج بعد و لادتج وتصبري و الله يفرجها لج .. والله يوفقج ياحياتي و كثري من الدعااء و الصلاااة والله يسهل عليج انشاءالله .. |
| |
| 09-07-2007, 12:18 AM | #8 |
|
حوريه | الأمر سهل وسوي مثل ماقررتي ألحين بالضبط وبعد لما ترجعين لأهل زوجج بالكويت حاولي تكسبين خالتج أم زوجج ووديها معاج بعض مشاويرج واهديها هدايا وبتخف معاناتج معاها شوي وبعدين تقدرج وماتخلي عيالها يحوسون على كيفهم بالبيت دامج موجودة وهم رياييل عادي يدبرون عمرهم بس حطي حيلج بخالتج ام زوجج وبريها والله بترتاحين واسألي مجرب |
| |
| 09-07-2007, 12:28 AM | #9 |
|
عضوة شــرف حور الكويت | برايي افضل انج تكلمين زوجج ان يكلم اهله ويقولهم انا مسؤول عن مرتي لحد يكلمها بس باسلوب حلو بدون مشاكل يعني لاكلموج قوليلهم عن اذنكم انا ريلي مسؤول عني وداري بكل الي اسويه |
| |
| 09-07-2007, 06:54 PM | #10 |
|
عضوة شــرف حور الكويت | انا اشوف ان الوضع مؤقت زوجج مايستاهل منج شوي تحمل واهو الي يحبج وتغلينه تحملي علشانه واكسبي اهل زوجج ترى وضع مؤقت وينتهي وانتي بامان عندهم وممكن تفسيرج لأسئلتهم غلط لكن يسألون لأنج امانه عندهم ولازم يحافظون عليج لما يرجع ولدهم مو كل شي تفسيرنه لؤم انا لو مكانهم بسألج وين رحتي وين جيتي لأنج امانه عندي ولو لاسمح الله يصير لج شي ماراح اسامح نفسي لاني ماسألتج عشان اعرف شكثر بتتأخرين او تقعدين يعني نوع من المحاتاة |
| 7 7 7 7 عسى الله يهدي النفس وتتعدل الاحوال |
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
عالم حواء -
الحياة الزوجية -
المكياج والعطور -
سيدات اعمال -
ازياء -
العروس
القضايا الاجتماعية والنفسية - السياحه والسفر - الحلويات - العناية بالشعر - الديكور والأثاث - الحمل والولاده
 |  |  |  |
