غدانا في مطعم فريج عقاب (صور)

الحـــــور · 01-12-2009, 11:32 PM

السلام عليكم ورحمة الله وبركاته

ثالث يوم العيد كان هدووووء وخلصنا زيارات الأهل والقرايب الحمدلله على خير

عاد هالمره قال لي زوجي خل نغير ودي نتغدى بمطعم عيوووووش

ومدح لي أكل مطعم فريج عقاب
عاد انا ما جربت إلا اكل فريج صويلح وكان حلو كأنه طباخ بيت

رحنا كلنا مع العيال وتحديداً الفروانية الضجيج

اول ما دخلنا ولا زوجي قال لي صوري هالمنظر حلو وشغل قديم حيل
قوطي البيبسي وماكينه الخياطة والساعة وكل شي حتى البرقع ما نسوه

وهذي صوره حلوة مسويين نفس الجليب مال الماي مثل أيام زمان
والي يقومون بخدمتنا لابسين لبس اهل الكويت قديماً الوزار والدشداشه والغتره

وهني مكاني وانا قاعدة فوقي لفت نظري ملابس حريم قبل معلقينه مع جم لوحة حلوة للفريج وسفينه البوم

وهني على طاولة الأكل اول ما قعدت لفت نظري حاطين فلوس صجيه للعملة القديمة للكويت يا حلوها لحقت عليها

يتبع<<<< لا تطوفكم

01-12-2009, 11:38 PM

يالله بسم الله الرحمن الرحيم

خلونا نطلب غدانآ من المينيو

واول شي حطوه لنا المقبلات وحاطين جرجير ومعبوج وأجار
طبعاً لا الأجار ولا المعبوج كليتهم لأني ما احبهم
وحطيت حرتي بالجرجير مع الليمون لانه مفيد حيل للبشرة والشعر والصحة

وبعدها طلبنا 2 سلطة جرجير بس رووووووعة حامضة ولذيذة

وبعدها وصل غدانا طبعاً نسيت أصوره وما صورت إلا عقب ما نجبت حق العيال وآخر شي لي
وهذي صورة غداي وكنت طالبة برياني ربيان
بس زوجي وولدي طلبوا هامور وااااايد أحلى من برياني الربيان انصحكم فيه

وهني عزكم الله لما رحت اغسل بنتي صورت لكم منظر المغاسل كان حلو

وآخر شي ختمناها بغوري شاي مهيل

إن شاء الله يكون عجبكم مطعم فريج عقاب
وانصحكم الدقوس أحلى من المرق للي حابه تروح له
والهامور أحلى من الربيان

01-12-2009, 11:53 PM

وااااااااااااااو روووووعه يبله رواحها

عليكم بالف عافيه على قلوبكم

01-12-2009, 11:56 PM

مشاء الله عليج شلون قدرتي تصورين ؟؟

انا لي شفت الاكل انسى عمري هههههههههههههه

عاد تصدقين فيه للمطعم فرع بالفحيحيل فوق اجيال

احلى ايام العيد مع الاسره ربي لا يغير عليكم الا بالخير .....

01-12-2009, 11:57 PM

وعليكم السلام ورحمة الله وبركاته

عليييييييييييييييييييييييييييييييييكم بالعافيه ياقلبي .....

شكله روووووووووووووووعه وكله تراث وايام زمان

بس عقاب منو !!! <<< بلاغه شف

02-12-2009, 12:12 AM

علييييييييييييكم بألف عااااااافيه .. جد الصووووووووور روووووووووووعه وتفتح الشهيه ..

إحناا عندناا فريج صويلح !! يمكن كاانو جيرااان :cayrszyp:

02-12-2009, 12:15 AM

ماشاء الله رووعة تسلمين لأنك شاركتينا

صحتين وهنااااء يارب

02-12-2009, 12:18 AM

عليكم بالعافيه واحلى شي لمة العيال حوليكم

والمطعم روووعه خصوصا الديكور

الله يعطيك العافيه

02-12-2009, 05:37 AM

الله عليكم بألف عافية

ماشاء الله على الديكور انا أحب كل شي قديم Q8

يبيله روحه للمطعم

مشكوره يالحو ر على الصور الروعه

02-12-2009, 07:47 AM

انـا ع بالي فرع الفحيحيل <<< عمرري ما دخلته ...

انا أرووح البعيييد بسسسس ><< خخخخخ

ياجعله فيـه العافيـه يالغاليـه ...

وانا نفس عواااش اذا شفت الاكـل انسـى كل شـئ ههههههههههههههههههه

بس الديكوريشن روووعهـ ...

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطعم فريج صويلح رووووعه	الأم الحنونه	سياحة كويتية	44	03-11-2011 10:21 PM
هذا بلا أبوك يا عقاب !!!	المجاهده	القصص والروايات	17	02-06-2010 08:41 PM
دليل جدة السياحي	رذاذ المطر	السياحه والسفر	14	11-01-2010 04:56 PM
رحلتي لماليزيا اسيا الحقيقية ( كولالمبور , لانكاوي , بيانج )	شهدQ	السياحه والسفر	52	26-06-2007 03:36 AM
صـلالــــــــــ الرائعه ــــــــــــــــه	إمرأة مثالية	السياحه والسفر	9	05-02-2007 06:13 AM

الذين يشاهدون محتوى الموضوع الآن : 2 ( الأعضاء 0 والزوار 2)

للمزيد من مواضيعي