كب كيك من مطبخي (مصور)

الحـــــور · 19-08-2009, 05:07 PM

السلام عليكم ورحمة الله وبركاته

الكل يحب الكب كيك خاصة الصغار
قبل جم يوم دخل مزاجي اسوي كب كيك مع ان ماكان عندي الطلبات الي احتاجها
وولا مره سويت وكانت اول تجربه لي بالكب كيك
أخليكم مع الطريقة من مطبخي بس ما صورت لكم كل شي لأني كنت مستعجله
علشان اخلص بسرعة وأزور اهلي وما اتأخر عليهم

~~~~~~~~~~~~~~~~~~~~~~~

الأشياء الي سويت فيها الكب كيك سهله وبسيطة
شريت خليط كيك المافن الجاهز واحد بالككاو والثاني بالبلو بيري
وكان طعمهم حيل حلو مثل الجاهز

والحين نجي للتزيين شريت من لولو هايبر ماركت الككاو الملون الي ينحط على الكب كيك

والحين نجي لأهم خطوة شريت أصباغ الأكل من فوستر كلارك الأفضل خذيت اللون الأخضر والأصفر والأحمر

وأخيرا دريم ويب بس ماصورته لكم لأن الكل يعرفة
المفروض اسوي كريمه الكب كيك المعروفة بس ماكان الوقت مسعفني

اخلطي الكيك بالخلاط ونبدأ بخليط الككاو ونصبه بقوالب الكب كيك الورقية
وندخلها الفرن لحد ما تستوي وتشوفينها صارت بارزه وكرويه من فوق

واخلطي خليط البلو بيري بس نصيحتي لكم العلبه الي داخل خليها على صوب
واخلطي خليط الكيك كله بخلاط الكيك مدة وآخر شي افتحي علبه البلو بيري وقطي الماي وغسليه بالمشخال
بس لا تحركينه وايد علشان ما ينهرس
وآخر شي شيلي الخلاط وحطي البلو بيري مع خليط الكيك الي خلطتيه بالخلاط وحركيه بقفشه كبيرة علشان ما يتقطع

بعد ما يستوي الكيك كله
راح يكون عندنا نوعين من الكب كيك
الأول كب كيك الككاو
الثاني كب كيك البلو بيري

كب كيك الككاو اخذي كريمه الدريم ويب بعد ما تسوينها بالخلاطه واقسميها نصين
اخذي الصبغه الصفراء وحطي شوي مع الكريمه واخلطيها
ونبدأ نحط الكريمه البيضاء وبعدها بالنص نحط الكريما الصفراء الي سويناها ونرشها بالككاو
وراح يكون الشكل النهائي لها جذي

الحين نروح للنوع الثاني
كب كيك البلو بيري
ونآخذ كريمه الدريم ويب ونقسمها 4 صحون
الأول أبيض + الثاني الأصفر + الثالث نحط معاه صبغه خضراء + الرابع نحط صبغة حمراء

المفروض انسقها بجيس الكريمه بس ماكان عندي واضطريت اسويها بالقفشه الصغيرة
وعاد انتي وشطارتج صممي الشكل والألوان الي تبينها وبالأخير رشي الككاو الملون عليه
وراح يكون بهالشكل النهائي

وهني لما حطيتهم مع بعض

أتمنى يكون الكب كيك عجبكم
بس اوعدكم المره الجاية اسويلكم كب كيك أحلى وأشكال مغريه أكثر

ناطره ردودكم الحلوة

19-08-2009, 05:19 PM

الله الله على كيك رووووووووووووووووووووووووووووووووووووووووووووعه تسلم الايادي يااحلى مديره

19-08-2009, 05:23 PM

الأم الحنونه

بالعافية ياقلبي
عاد هذي أول تجربه والحمدلله نجحت
بس المره الجايه راح اغير بالكريمه ماراح استخدم دريم ويب... راح استبدلها بكريمه الكب كيك الأصلية اللذيذة
نورتي الموضوع بمشاركتج الالحلوة يالغالية

19-08-2009, 05:25 PM

يمــي يمـــي

مــآ شآء الله صج صج روووعه

تسلم الايآدي يا الغاليه

شغل عدل

19-08-2009, 05:27 PM

~♪.. βɑяЬίе }✿~

بالعافية ياقلبي
لا نطري كل مره بسوي لكم شي من أيديني واحطه لكم بالحور
وبحاول اسوي شغلات غريبه وحلوة
نورتي الموضوع بمشاركتج الحلوة يالغالية

19-08-2009, 11:00 PM

تسلمـ الآيآدي يآقلبي .~

19-08-2009, 11:15 PM

تسلم الايادي على الكيك الرووووووووووووووووووعه

20-08-2009, 01:52 AM

واااااااااااااااااااااو عجيب تسلم الايادي يالغاليه

20-08-2009, 02:09 AM

تسلم الايادي

ويعطيج العافيه

20-08-2009, 02:13 AM

ماشاء الله طباخه 00000 تسلم الايادي

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
••• معرض حور الكويت لصور التصميم •	صدى السكوت	التصميم والفوتوشوب	23	18-08-2007 01:19 AM

الذين يشاهدون محتوى الموضوع الآن : 4 ( الأعضاء 0 والزوار 4)

للمزيد من مواضيعي