سمج الفيليه المثلج وعاده اشتري سمج ماركه الامارات او ماركه امريكانا او اي ماركه ثانيه .. ويكتوب عيه سمك كريم دوري...
وانا عبالي السمجه عاديه
مره سويت سيرج بالنت بعرف شلون شكل هالسمجه
سووها انتو بعد وجربو ما تطلع صوره ...
تبون الصج اخترعت بعد ما شفت صوره الزباله الكبيره او ما تسمى بالكات فيش
وهذي شكلها وهي صغيره
رحت الجمعيه وقعدت احوس ابي اسم ثاني للسمجه او اسم انجليزي لان ماكو سمجه كريم دوري بالانجليزي.. كانت تطلع لي السمجه الزرقه في نيمو
المهم وانا احوس ولا القى هالماركه وكاتبين الاسم الانجليزي لها
كتبته بويكبيديا... ولا تطلع لي هالسمجه نوع من انواع الكات فيش... وهذي صورتها
وانا اسوي سيرج خدامتنا الاندونيسيه شافتها شان تقول هذا سمج وايد اكو منه باندونسيا والصغار منهم موجودين في بوالعيهم عزكم الله
وصج شوفو البيئه مالتهم
انا انصدمت
وقلت اخر عمري اكل سمج متربي ببواليع.. عاد تقولي احنا ناكله عادي
بالنسبه لي كلش مو عادي اني اكل بنت عم الزباله... وصراحه حبيت انبهكم انتو بعد اذا ما تحبون تاكلون هالنوعيه من السمج
..
وقررت من اليوم ورايح اشتري فيليه هامور او سكن او حمرا او جنعد او حتى سلمون ... على الاقل طري وانتي تعرفون اصله من فصله
ترا تعبت وانا ادور واكتب هالموضوع وما حطيت اسمي على الصور عشان اللي بتنقله اي مكان محلله
للأمانة منقول،،،، من ايميلي
الإهداءات
