دايت سنتر...دايت كير...هيلث كومباني...محتارة شنو تختارين؟ تعالي

كويتية أمورة · 14-08-2006, 10:41 PM

الســلام عليــكم ورحمـــة اللــه وبـركـاتـــه

طبعا كلكم عارفين هالشركات
دايت سنتر
دايت كير
هيلث كومباني ((هيلث ووتشرز سابقا))

هالشركات تشتركون معاهم برسوم اسبوعيه او شهرية وهم بدورهم بيوصلون لكم اكل صحي خاص بالريجيم بهدف انزال الوزن

واختلفت الاراء فيما بين الناس
اي وحدة منهم ارخص؟
اي وحدة اكلها احلى؟
اي وحدة نظامها ينزل الوزن اكثر؟

فقلت احطلكم هالموضوع الخاص عن هالثلاث شركات
مع ذكر العنوان وسعر الاشتراك ورقم التلفون
وآراء الناس عنهم
وانتوا وقتها تقدرون تختارون على راحتكم

(¯`'•.¸¸.•'´¯) دايت سنتر (_¸.•'`'•.¸_)

العنوان: مجمع المهلب الدور الاول رقم7

رقم الهاتف: 4/5/2610016

الموقع الالكتروني: www.dietcenterme.com

الأسعار: الاشتراك الشهري 200 دينار كويتي
ولمن تملك بطاقة السندس من بيت التمويل الكويتي 176 دينار كويتي

مستوى الطعام: ممتاز ويعد افضل طعام دايت في الكويت
وجباتهم راهيه والاكل متنوع ولذيذ

مستوى نزول الوزن: كيلو ونصف او كيلوين بالاسبوع تقريبا
وبعض الناس تمر عليهم اسابيع ماينزلون ولا كيلو بالرغم من الالتزام بنظامهم حرفيا.

(¯`'•.¸¸.•'´¯) دايت كير (_¸.•'`'•.¸_)

العنوان: على البحر بجانب BrEaD FaCtOrY

رقم الهاتف: 2475483

الأسعار: 40 دينار بالاسبوع/ 160 دينار بالشهر

مستوى الطعام: تقريبا مشابه لمستوى دايت سنتر
يعني لذيذ وراهي

مستوى نزول الوزن: تقريبا 4 الى 6 كيلو بالشهر وعموما يعتمد على الجسم

(¯`'•.¸¸.•'´¯) هيلث كومباني-هيلث ووتشرز سابقا (_¸.•'`'•.¸_)

العنوان: الشويخ المنطقه الحره بجانب فيلا مودا والفرع الثاني في مستشفى هادي

رقم الهاتف: 4610466

الأسعار: الاسبوع 49 دينار- الاسبوعين 98 دينار-الشهر 196 دينار

مستوى الطعام: ناس يمدحون وناس يذمون بس يقولون اكله صار كله من ليونوتر الحين وصار ألذ من قبل بوايد

مستوى نزول الوزن: يصل الى 4 كيلو بالاسبوع تعتبر اكثر شركة تنزل الوزن.

أتمنى ان الموضوع يفيدكم وياليت اللي جربت اي شركة من هالشركات تفيدنا بتجاربها بالتفصيل
عشان يكون هالموضوع مرجع لنا

وشكرا...

14-08-2006, 11:27 PM

اموره انا دايت كير قالتلي الاسبوع 49!

انا جربت دايت سنتر الاكل اينن ونزلت بشهر 4 كيلو بدون رياضه

14-08-2006, 11:30 PM

صراحه انا اختى جربت دايت كير وايد حبته واكلهم حلو وكميته زينه وسعره مناسب استمرت معاهم تقريبا3شهور

15-08-2006, 02:02 AM

بامبينا
حياج الله حبوبة
انا اللي سمعته ان دايت كير ب 40 الاسبوع!! الظاهر زادوا اسعارهم او اللي قالتلي غلطانه

ودايت سنتر يمدحون اكله بس وايد يقولون مانزلوااو ينزلون شوية مع انه ملتزمين
مادري ليش!!

زهور
حياج الله حبوبة
انزين شكثر نزلت اختج بهالفترة؟
ودايت كير ماعندهم محل يبيعون فيه اكلهم مثل دايت سنتر اللي بالشامية؟

15-08-2006, 02:54 AM

الف شكر لج اموووره على هالموووضوع الحلو

15-08-2006, 03:10 AM

العفو بيور بعد عمري حياج الله نورتي الموضوع

15-08-2006, 02:34 PM

انا هيلث كومباني

والاسبوعين بـ100 دينار

واكلهم حلو بس مادري اذا الباجين احلى والا لا ماجربتهم

وانزل كل 10 ايام كيلو ونص فقط

يعني بالشهر 4 ونص

بس خواتي نزلوا 3 كيلو بـ10 ايام

على حسب الجسم

وناوية اكمل 3 شهور

15-08-2006, 10:02 PM

هلا والله لافندر

والله وايد 100 دينار على كيلو ونص ولا كيلوين!!

بس ليش نزلتي شوية؟ في ناس ينزلون 4 بالاسبوع!! الظاهر لازم تقوليلهم يقللون السعرات بوجباتج عشان تنزلين

انزين انتي كنتي تلعبين رياضة ولا لأ؟

15-08-2006, 10:31 PM

انا عموما نزول وزني صعب

مابقى رجيم ماسويته واخيرا لجات للوجبات

وخواتي عادي قاعدين ينزلون 3 ونص تقريبا

15-08-2006, 11:27 PM

الصراحه مو غالي على انج تكونين رشيقه انا لو قادره جان اشترك بدون تردد بس صعبه شوي 200 بالشهر

ودايت سنتر اذا ثاني مره جددتي تقدرين تدفعين بالاسبوع 50
الاسبوع اللي تدفعينه اييبونلج اكل والاسبوع اللي ماتدفعين يوقفونه

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

للمزيد من مواضيعي