دايت سنتر...دايت كير...هيلث كومباني...محتارة شنو تختارين؟ تعالي - الصفحة 4

28-03-2007, 11:18 AM

هم ترى وااااايد زينين أكلهم صحي يعني ما يعفس الجسم والدم يصير اوكي
واهم شي الرياضه وياه عشان تضمنون انكم تنزلون اللي تبونه حتى لو مشي 40 دقيقه باليوم تكفي

آنا ببدي رجيم من كيفي من الاسبوع الياي لمدة اسبوعين وبشوف جم كيلو بنزل إذا نزلت اللي ابيه بكمل عليه إذا ما نزل وزني باللي ابيه راح اشترك بدايت سنتر
صراحه رفيجاتي اللي بالدوام كلهم ضعفو عليه واكلهم يشهي ويشبع ولذيذ يعني الواحد ما ايوع بس لازم التزااااااااااااام تاااااااام

13-04-2007, 10:30 PM

وناسة هدى شوقتينا

بس جنهم زادوا اسعارهم الحين

بس وايد يمدحون دايت كير احسن من دايت سنتر

انزين منو الخبيرة اللي سوتلج النظام انتي واختج؟ لان من وحدة للثانية يفرق بعضهم نظامهم ماينزل

بس انا عاد مشكلتي ان مشلعينلي 4 ضروس ومركبة تقويم ومو كل شي اقدر اكله لازم لين
بشوف المنيو مالهم اذا في اكل يصلحلي بشترك عندهم ولا التعذيب وريجيم يومين واسبوع اخربط

05-05-2007, 01:53 PM

هاي بنات شلونكم

انا بقولكم عن تجربتي

اشتركت شهر ونزلت من اول اسبوع 4 كيلو ( قولوا ماشالله

بس طبعا كنت اسوي رياضه بالنادي اللي اهيه ايروبكس سريع

وكنت امشي كل يوم ساعه

الاسبوع الثاني نزلت 2 كيلو واللي وراه قام وزني يزيد كيلو وينفص كيلو

ومرات ثابت ما يتغير..بعدين خذت اسبوعين زيادة بس هم ثابت لاني

ماقمت امشي وايد ومليت من الاكل مالهم ورجع وزني الحين اللي

نقصته كله ورد مثل ما كان اول

بس انشالله ناوية اسوي برنامج من عندي نفس الاكل اللي بسوونه

لي ترى سهل ومايبيله شي .. اللي تبي اعطيها اياه تراسلني برايفت

05-05-2007, 07:16 PM

انا الحين مشتركه بلينا اند دينا دايت سنتر
مكانهم في دانه سنتر السالميه الدور الثاني
ورقمهم 5747086

اشتركت بدايه شهر 3 والصراحه ماسوي رياضه واخربط شوي بالاكل بس ضعفت 6 ونص كيلو لي قبل اسبوع عندي موعد الاثنين بشوف اذا نازله زود ولا لأ

08-05-2007, 07:31 PM

حبيبتي شلون اكلهم؟؟؟ وجم الاشتراك بالشهر؟؟؟

08-05-2007, 08:01 PM

اكلهم وايد لذيذ واشتراكهم بالشهر 200 دك

08-05-2007, 08:09 PM

اموره بصراحه الارقام الذي ذكرة من الوزن مشجع ولكن الأرقام الذي ذكرة من المبالغ رهيبه بدينار البحريني ؟؟؟؟؟؟؟؟؟؟؟؟؟؟؟؟؟
اهم شئ الأيراده في طلب النحافه !!!!!!!!!!!!!!!!!!!!
قبلاتي اليج ياختي اموره

09-05-2007, 01:15 AM

محتاسة<<<<<ذكرتيني بنك نيمي قبل كويتية محتاسة شخباري هههههههه

حياج الله حبوبة بس ماقلتيلنا وين اشتركتي؟ وبجم؟
وحسافه جان حافظتي على النزول
الفلوس مش بعزءه وانا اختج

بامبينا
صج حلو اكلهم؟ وايد مامدحوه لي ولا انا شوقتني الدعاية بالجريدة يقولون ينزل 7 بالشهر
ياليت تعطيني فكرة عن المنيو يعني شنو اييبون ريوق وغدا وعشا
وعسى راهي بس
انا كنت بشترك بدايت كير بس لاني ركبت التقويم ماقدر اكل اي شي فقلت خلاص رجيمي مني وفيني ههههه

اسواف حياج الله حبيبتي
وفعلا بدون الارادة مستحيل تضعفين

10-05-2007, 01:40 AM

هلا وغلا

بامبينا مشكورة يقلبي

كويتية ....انا كنت عند دايت سنتر والاكل حلو وراهي..بس حسافه انا

آكل على النفسيه عشان جذي رد وزني..بالذات اذا عندي امتحانات

آكل وايد او اذا قاعدى بالبيت وملل احط حرتي بالاكل

الله كريم انشالله

10-05-2007, 08:58 AM

بنات لا يطوفكم مشرف يونايتد عجيييييييب

أكله لذيذ وااااايد ويمشي على الكالوريز

يعني الأكل نفسه مو دايت بس يحدد لج الكميه السعرات فقط

حتى عيش وصمون وكل اللي تبينه يحطه وأكله روعه

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 10 ( الأعضاء 0 والزوار 10)